MARIS – Medikamentassistert rehabilitering i Stord

MARIS - senteret er eit frivillig behandlingstilbod for opiatmisbrukarar. Senteret har ope for pasientar som har fått innvilga behandling på Metadon og Suboxone/Subutex. MARIS har medisinutdeling 6 dagar i veka og aktivitetstilbod 5 dagar.

Korleis får ein behandling?

Det er NAV Stord ved sosialtenesta som, i samarbeid med pasienten, søkjer dei inn til behandling. Dei vurderer om ein fyller kriteria og deretter hjelper til med ein eventuell søknad. Behandlingsinstans er LAR - Bergensklinikkene, der ei inntaksnemnd gjer endeleg vedtak om behandling.

Behandlinga er eit samarbeid mellom NAV Stord ved sosialtenesta, fastlegetenesta i Stord kommune, MARIS og LAR - Bergensklinikkene.

På MARIS får pasienten

• tilbod om private samtalar med dei tilsette.
• hjelp til praktiske gjeremål (som t.d. å bestilla time hjå lege/tannlege, NAV osv.)
• servert måltid kvar dag
• spela biljard & bordtennis
• disponera 3 datamaskinar
• gå turar, spela ballspel i lånt gymsal, bowling m.m.

Om lokala

MARIS held til i nye lokale i Borggata og har eiga stove m/kjøkkenkrok og stort aktivitetsrom m/biljard og bordtennis. Vidare er det eit stort rom m/kontorlandskap og eit eige møte/samtalerom.

Tilsette

MARIS har 3 tilsette i full stilling og eigne helgevakter.

Betalingssatsar

Det kostar ingenting å ta del i behandlingstilbodet på MARIS.

Opningstider